Year of grant:
2020

Research Area:
Samfelag - COVID-19 verkætlan

Project type:
Verkætlan

Project title:
Ávirkanin av COVID-19 á fiski- og alivinnu og avleiðingar fyri føroyska búskapin

Grant number:
7020

Project manager:
Unn Laksá

Institution/company:
Sjókovin

Other participants:
Magni Laksafoss, Sjókovin, og Zvonko Mrdalo, Søgu- og Samfelagsdeildin, Fróðskaparsetrið

Total budget:
kr. 193.070

Grant from the FRC in DKK:
kr. 193.070

Project description:
Høvuðsendamálið við verkætlanini er at greina ávirkanina av Covid-19 fyri føroyska fiski- og alivinnu og avleiðingarnar fyri føroyska búskapin. Hetta verður gjørt við at skapa ein ‘business as usual’ støðu (scenario), sum er bygt uppá gongdina seinastu 10 árini. Grundað á samrøður og hagtøl frá fyritøkunum, verður eitt Covid-19 scenario skapt, sum í mestan møguligan mun endurspeglar støðuna, sum hon er nú. Hetta verður gjørt fyri alivinnu, botnfiskaveiðu og framleiðslu, uppisjóvarskip og framleiðslu. Við støði í hesum verða ymisk ‘What-if’ scenario gjørd: T.d. hvat um prísirnir fara enn longur niður, ella støðan heldur fram í 3,6, ella 12 mánaðir afturat. Støðurnar (scenario) taka støði í samrøðum við viðkomandi áhugapartar. Síðani verða hesar støðurnar brúktar til at meta um ávirkanina á føroyska búskapin og fólkatalið. Úrslitini av verkætlanini verða kunngjørd í einari frágreiðing, sum verður tøk á netinum. Um umstøðurnar loyva tí, verða úrslitini eisini løgd fram á almennum fyrilestri, sum Sjókovin skipar fyri í September 2020. Verkætlanin hevur hesi endamálini: - At greina búskaparligu og bygnaðarligu avleiðingarnar av Covid-19 fyri føroyskar fiski – og alifyritøkur gjøgnum samrøður og simuleringar av ymiskum Covid-19 støðum (scenario). - At lýsa avbjóðingarnar í mun til Covid-19 og møguliga ávirkan á avgerðartilgongdina í vinnunum - At eyðmerkja møguleikar og at greina hvussu fyritøkur kunnu gera seg meira mótstøðuførar ímóti brádligum búskaparstoytum - At greina hvat ávirkan ymiskar støður (scenario) hava á føroyska búskapin, almenna geiran og fólkatalið - At gera niðurstøður um, hvørji stig kunnu takast fyri at gera føroyska vinnu og búskapin meira mótstøðufør.

Project status:
Virkin



<< Back
Administration     Faroese